La 29-an de novembro publikiĝis en Pekino "Komuna taksa raporto de preventado kaj kuracado de aidoso en Ĉinio". Laŭ la raporto, en la kuranta jaro troviĝis proksimume 50 mil novaj infektitoj de aidoso en Ĉinio; kompare kun 70 mil en 2005, mildiĝas la leviĝo de aidoso en Ĉinio.

La raporto estas plenumita de la Ministerio de Sano de Ĉinio, Programo pri Aidoso de UN kaj la Monda Organizo de Sano. La raporto montras, ke en Ĉinio estas proksimume 700 mil infektitoj de aidoso, interalie, 85 mil aidosuloj.

La raporto notas preventadon kaj kuracadon de aidoso de la ĉina registaro, kaj prezentas proponojn forigi diskriminacion al la aidosuloj.