La 2-an de decembro, en celebrado de la 15-a datreveno de la malfermo de la nova azi-eŭropa kontinentponto en la ĉina orienta urbo Lianyungang, ĉina vicministro pri komerco Yi Xiaozhun diris, ke Ĉinio aktive kunlaboros kun la Disvolva Programo de UN, landoj ĉe nova azi-eŭropa kontinentponto kaj orientaziaj landoj kaj akcelos formiĝon de kunlabora organizo de internaciaj urboj de nova azi-eŭropa kontinentponto.

Yi Xiaozhun opiniis, ke pro la akcelo de la kunlabora organizo de internaciaj urboj de la nova azi-eŭropa kontinentponto, grandaj urboj ĉe la kontinentponto estos ne plu nur centroj de politiko, ekonomio kaj kulturo, sed "fenestroj" rekte ligantaj internacian kaj enlandan merkatojn.