Posttagmeze de la 8-a de decembro okazis en la Kantona
Hotelo la ferma ceremonio de la 7-a Ĉina Kongreso de Esperanto.
La reprezentantoj de la 4 grupoj difinitaj laŭregione kaj 4 fakaj
grupoj de fervojistoj, Esperanto-edukado, komercado kaj junularo
raportis al la kongresanoj sian diskuton pri la raporto de la Ĉina
Esperanto-Ligo. Ili opiniis, ke la ĉinaj esperantistoj devas fari
sian eblon por kontribui al la konstruado de la harmonia socio de
Ĉinio kaj ankaŭ harmonio de la ĉina Esperanto-movado, kaj donis
pozitivajn proponojn pri la venontaj agadoj de diverslokaj Esperanto-organizoj
en la nova situacio.
Li
Hongjie, vicprezidanto de la Ĉina Esperanto-Ligo kaj direktoro de
la redakcio de “El Popola Ĉinio”, alte taksis la 7-an Ĉinan Kongreson
de Esperanto, kore dankis LKK pro ĝia diligenta kaj efika laboro
por sukcesigi la kongreson kaj individuajn esperantistojn pro iliaj
kontribuoj al la ĉina Esperanto-movado. Krome, li traktis la temon
pri konstruado de la harmonia socio, kaj prezentis siajn opiniojn
pri disvolvo de Esperanto-movado en Ĉinio.
La kongreso solene fermiĝis en la kantado de “La Espero”
kaj aplaŭdado de la kongresanoj.
(Li Jianhua)
|