La 10-an de decembro fermiĝis en Pekino la Interŝanĝa Jaro de Ĉinio kaj Respubliko de Koreio. En ĝi faris paroladon ĉina ĉefministro Wen Jiabao kaj korea ĉefministro Han Duck-soo.

Wen Jiabao diris en la fermo, ke Ĉinio kaj la Respubliko de Koreio situas en orienta Azio. Ili estas najbaroj kaj interŝanĝas kulturojn jam de longa tempo. Ĉi jaro estas la 15-a datreveno de la starigo de diplomatiaj rilatoj inter Ĉinio kaj la Respubliko de Koreio, kaj la interŝanĝa jaro aranĝita de la registaroj de la du landoj kun granda skalo kaj riĉa enhavo vekis pozitivan reagon en diversaj rondoj de la du landoj, profundigis reciprokan konon kaj reciprok-utilan kunlaboron inter la du landoj, kaj antaŭenpuŝas stabilan kaj sanan disvolviĝon de la du landoj.

Han Duck-soo diris, ke la Respubliko de Koreio kaj Ĉinio estas amikaj najbaroj. Depost la starigo de la diplomatiaj rilatoj inter la du landoj, rapide disvolviĝas politiko, ekonomio, socio, kulturo kaj aliaj kampoj de la du landoj. La sukcesa okazigo de la interŝanĝa jaro akcelas amikecon inter la du popoloj kaj faras solidan bazon por puŝi la disvolvadon de la dulandaj rilatoj. La Respubliko de Koreio deziras kune kun Ĉinio profundigi disvolvadon de la ĉiuflankaj kunlaboraj partneraj rilatoj inter la du landoj kaj krei pacan, stabilan kaj belan estontecon de la nordorient-azia regiono.