Vespere
de la 15-a de decembro fermiĝis en Balio, Indonezio, la konferenco
de UN pri klimata ŝanĝiĝo. "Vojmapo de Balio", trapasigita
tiutage en la konferenco, difinis tagordon por kernaj diskuttemoj
de la intertraktado pri klimata ŝanĝiĝo, okazonta antaŭ la jaro
2009.
Laŭ la vojmapo, antaŭ la jaro 2009 oni okazigos intertraktadon
pri novaj aranĝoj kontraŭ la klimata ŝanĝiĝo, kaj en la jaro 2008
okazigos 4 grandajn konferencojn pri klimata ŝanĝiĝo.
Rilate al tiu ĉi grava atingo diversaj flankoj faris
malsamajn reagojn. Ban Ki-moon, ĝenerala sekretario de UN, diris,
ke tiu ĉi novaĵo estas inspira. Li laŭdis diversajn flankojn ĉeestantajn
la konferencon pro tio, ke ili montris flekseblecon kaj kompromison.
Sed plenuma sekretario de la sekretariejo de la Frama Konvencio
de UN pri Klimata Ŝanĝiĝo diris, ke la tasko estas tre dorna kaj
necesas rapida ago. Su Wei, vicestro de la ĉina delegacio por la
konferenco, diris, ke la vojmapo orientos la sekvan agon de la homaro
kontraŭ la klimata ŝanĝiĝo. Komisiono de la Eŭropa Unio esprimis
bonvenon al la vojmapo kaj ankaŭ sian volon antaŭenpuŝi tiun ĉi
procezon.
|