La 10-an de februaro, laŭ invito de germana financa ministro Peer Steinbrueck, ĉina financa ministro Jin Renqing kaj ĉefadministranto Zhou Xiaochuan de la Popola Banko de Ĉinio partoprenis en la dialogo inter financaj ministroj de la bloko de 7 okcidentaj landoj kaj tiuj de Ĉinio, Hindio, Brazilo, Sud-Afriko, Rusio kaj Meksikio en Essen, Germanio. Ili interŝanĝis opiniojn pri obligacia merkato kaj komercado de novaj merkataj landoj.

Jin Renqing konigis la situacion kaj ĉefajn karakterojn de la nuna ekonomio de Ĉinio. Li diris, ke la ĉina registaro, observante kiel antaŭe la sciencan disvolvan teorion, senĉese fortigos la makroskopan kontroladon, aktive stimulos konsumon, stabile antaŭenpuŝos reformadon de financa sistemo kaj klopodos kun aliaj landoj por bonorda reguligo de la ekonomia malekvilibro de la mondo.