Lastatempe la financa departemento de Tibeto informis, ke en la jaro 2008 Tibeto investos 24 milionojn da juanoj (ĉ. 2.4 milionoj da eŭroj) en la konstruado de ekipaĵoj por sun-energio kaj metanujoj, tial pli da paŝtistoj povos uzi sun-energion, bio-energion kaj aliajn resursojn anstataŭ brulligno en ĉiutaga vivo.

Delonge urbanoj precipe paŝtistoj en Tibeto uzas ĉefe brullignon kaj dombestan fekaĵon kiel fuelon. Tia brulaĵo damaĝas vegetalaron kaj ekologian medion de Tibeto.

La tibeta registaro klopodas, ke en la venontaj dek jaroj sun-energio, bio-energio, tervarma energio kaj aliaj puraj fueloj estu disvastigitaj kaj aplikitaj en la tuta regiono por redukti dependon de brulligno kaj aliaj tradiciaj fueloj.