La 25-an de decembro Qin Gang, proparolanto de la Ministerio
de Eksteraj Aferoj de Ĉinio, diris en gazetara konferenco, ke plejparto
de la senfunkciiga laboro de nukleaj instalaĵoj ĉe Yongbyon de la
Korea Popoldemokratia Respubliko finiĝos antaŭ la fino de la kuranta
jaro.
Qin tion informis respondante al raportisto pri sesflanka
intertraktado de korea nuklea problemo. Li diris, ke sub senĉesa
penado de ĉiuj flankoj la sesflanka intertraktado gajnis pozitivan
disvolvon.
Qin diris, ke Ĉinio daŭre tenos intimajn interkonsiliĝojn
kaj akordigojn kun ĉiuj flankoj por plej baldaŭ kaj ekvilibre konkretigi
la dua-etapan agadon.
|