Yao Xinsheng, membro de la Inĝenieria Akademio de Ĉinio, diris, ke en la 21-a jarcento la ĉinaj medicino kaj farmacio ludos gravan rolon por preventi kaj kuraci la homan subsanon.

Yao Xinsheng estas ĉin-medicina farmakologo. En la Ĉina Internacia Pinta Forumo pri Medicino kaj Farmacio okazinta en Haikou, ĉefurbo de Hainan-provinco, li diris, ke pro la rimarkinda efiko akirita de ĉin-medicinaj medikamentoj kaj tradiciaj terapioj en diversaj mondpartoj, multaj eŭropaj landoj kaj Usono komencis la denovan takson pri la ĉinaj medicino kaj farmacio, kaj metas grandan esperon sur la ĉinajn medicinon kaj farmacion por protekti sanon kaj kuraci malsanojn.