La 20-an de oktobro, okazis en Zaozhuang, Shandong-provinco de Ĉinio la 2-a Internacia Festivalo de Esperanto organizita de la Zaozhuang-a Esperanto-Asocio kaj la Seula Esperanta Instituto de Koreio. Ĝin ĉeestis 67 esperantistoj el Ĉinio, Koreio kaj Hispanio.

Dum la festivalo, MA Young-Tae, membro de la Akademio de Esperanto, kaj LEE Jung-kee, ĝenerala sekretario de la Komisiono pri Azia Esperanto-Movado respektive prelegis sub la titolo "Studo pri normigo de Esperantaj vortaroj" kaj "Esperanto-movado en Azio kaj ĝia estonteco". Wang Minhao, vicestro de la Ŝanhaja Esperanto-Asocio, kaj Zou Aimin, profesorino de la Shandong-a Arkitektura Universitato, faris prelegon pri "La nuna situacio kaj historio de la ĉina E-movado" kaj "Muziko kaj danco por kulti Konfuceon". Augusto Casquero, prezidanto de la Hispana Esperanto-Federacio konigis hispanan kulturon.