Renormaliĝis la socia ordo en Lhasa

La 18-an de marto Qin Gang, proparolanto de la Ministerio de Eksteraj Aferoj de Ĉinio, diris, ke anstataŭ pura religiulo, Dalai-Lamao estas politika rifuĝinto, kiu longatempe entreprenas en secesia agado kaj detruo de la nacia solidareco en la internacia socio.

Dalai-Lamao ne konfesis, ke Tibeto estas parto de Ĉinio en la historio, sed deklaris, ke Tibeto estas lando okupata de Ĉinio. Li ne konfesis la nunan sistemon de Tibeto kaj persistas en fondo de historie neniam ekzistinta "granda Tibeto", kiu okupas kvaronon de la teritorio de Ĉinio.

Qin diris, ke la agado kaj diroj de Dalai-Lamao en la lastaj dekoj da jaroj montras, ke li neniam vere forlasis secesian starpunkton kaj ĉesigis secesiajn aktivadojn. Serioza perforta evento en Lhasa okazinta antaŭ kelkaj tagoj estis instigita de la kliko de Dalai-Lamao. Tio refoje malkaŝas secesian esencon de la kliko de Dalai-Lamao.