La 29-an de marto okazis en Pekino la 3-a Simpozio "Ĉina Sonĝo kaj Harmonia Mondo", 2008. Preskaŭ 200 delegitoj de diversaj flankoj faris interŝanĝon kaj diskutadon pri verdaj Olimpikoj, ĉina sonĝo, 30 jaroj de la reformado kaj pordo-malfermo de Ĉinio.

Ĉina vicministro pri eksteraj aferoj Zhang Yesui montris, ke antaŭenpuŝo de konstruado de la harmonia mondo estas longa kaj komplika procezo. Ĉinio, kiel iniciatinto kaj praktikanto de la harmonia mondo, certe faros sian kontribuon por konstrui la harmonian mondon.

He Zhenliang, komitatano de la Internacia Olimpika Komitato, diris, ke post bruligo de la olimpika torĉo komenciĝis la procezo de realiĝo de la olimpika sonĝo de Ĉinio. Ĉiuj rimarkis, ke dum bruligo kaj transdonado de la torĉo okazis iuj malhelpoj. Li diris ankaŭ, ke Olimpikoj estas festivaloj de la tutmondaj popoloj, sed iuj homoj ne volas vidi sukceson de la festivaloj.

Serge Abou, estro de la delegacio de EU en Ĉinio, esprimis en la simpozio, ke la disvolviĝo de Ĉinio ne estas minaco al Eŭropo, sed ŝanco. La rilatoj inter Ĉinio kaj EU ne devas fariĝi "ostaĝo" de iuj aferoj.