La 1-an de aprilo Wu Hongbo, asistanto de la ĉina ministro de eksteraj aferoj, diris en Pekino, ke Ĉinio volas kune kun Germanio klopodi, laŭ la principo de reciproka respekto, egaleco, reciproka utilo kaj neinterveno en internajn aferojn, por sufiĉe kompreni kaj zorgi pri reciprokaj kernaj atentoj, racie trakti diverĝon kaj akceli la duflankajn rilatojn.

Wu diris tion en sia intervidiĝo kun Jurgen Trittin, vicprezidanto de la Parlamenta Grupo de Verda Partio de la Germana Federacia Asembleo. Wu pozitive taksis la rilatojn inter Ĉinio kaj Germanio kaj rimarkigis, ke la ĉina registaro ĉiam atentas la rilatojn kun Germanio kaj opinias, ke disvolvo de bonaj rilatoj inter Ĉinio kaj Germanio konformas al bazaj interesoj de la du landoj kaj la du popoloj.