La 8-an de aprilo Jiang Yu, proparolantino de la Ministerio de Eksteraj Aferoj de Ĉinio, diris en Pekino, ke Ĉinio forte kondamnas secesiajn fortojn celantajn "sendependigon de Tibeto" pro ilia malhelpo al la stafetado de la Olimpika torĉo.

Ŝi diris ankaŭ, ke la Pekinaj Olimpikoj estas komuna sporta soleno de la tuta mondo kaj la Olimpika torĉo apartenas al la popoloj de la tuta mondo. Dank' al varma aprobado de la publiko de Britio kaj Francio, la stafetado de la torĉo de la Pekinaj Olimpikoj estis plenumita en Londono kaj Parizo en la 6-a kaj la 7-a de aprilo.

Ŝi diris en la fino, ke Ĉinio forte kondamnas secesiajn fortojn celantajn "sendependigon de Tibeto". Malobservante la Olimpikan spiriton kaj leĝojn de Britio kaj Francio, ili intencis malhelpi stafetadon de la Olimpika torĉo. La damninda agaĉo blasfemas kontraŭ la nobla Olimpika spirito, kaj estas provoko kontraŭ la popolanoj de la tuta mondo, kiuj amas la Olimpikajn ludojn. La ĉina flanko kredas, ke la Olimpika spirito kaj la koncepto pri "paco, amikeco kaj progresemo" portataj de la Olimpika torĉo estas nebareblaj de ĉiu ajn.