La jarkunveno de Azia Forumo de Bo'ao de 2008 okazas en Bo'ao, Hainan-provinco en suda Ĉinio, de la 11-a ĝis la 13-a de aprilo. Ŝtatestroj de 11 landoj ĉeestas la kunvenon. Ĉina prezidanto Hu Jintao partoprenas ĝin kaj faros prelegon pri la temo de tiu ĉi jarkunveno.

Long Yongtu, ĝenerala sekretario de la Azia Forumo de Bo'ao diris, ke la jarkunveno kun la temo "Verda Azio: realigi komunan gajnon dum reformado" elstarigas "verdecon", "reformadon" kaj "komunan gajnon". La ĉeestantoj profunde diskutos kaj interŝanĝos opiniojn pri fuelo, financo, klimato kaj tendenco de la monda ekonomio.