De la 11-a ĝis la 13-a de aprilo okazis en Bo'ao, Hainan-provinco en suda Ĉinio, jarkunveno de Azia Forumo de Bo'ao de 2008 kun la temo "Verda Azio: realigi komunan gajnon dum reformado".

Ĉina prezidanto Hu Jintao partoprenis en ĝi kaj faris prelegon pri la temo de la kunveno. En la forumo partoprenis pli ol 1700 personoj, inkluzive de tiuj de politika, industria kaj komerca rondoj kaj specialistoj kaj erudiciuloj de diversaj landoj kaj regionoj. Inter ili estas ankaŭ ŝtatestroj kaj ĉefoj de registaroj.

La ĉeestantoj laŭdis Ĉinion pro serioj da rimedoj alprenitaj de la ĉina registaro en medio-protektado, fuelo-ŝparado kaj ellasaĵo-reduktado, opiniante, ke kiel respondeca evoluanta lando, Ĉinio faris sian kontribuon al superregado de varmiĝo de la tuta terglobo. En la pasintaj jaroj Ĉinio publikigis la projekton por trakti klimatajn ŝanĝiĝojn kaj partoprenis la programon "Trakti klimatajn ŝanĝiĝojn kaj protekti homan sanon" lanĉita de la Fonduso por Tutgloba Medio. En 2007 la fuelo-konsumado por unito en la totala enlanda produkto-valoro reduktiĝis je 3.27%, kaj unuafoje malkreskis la ellasa kvanto de la kemia oksigena postulo kaj tiu de sulfura dioksido.

La Azia Forumo de Bo'ao estas neoficiala, neprofita, regula kaj malferma organizo de internacia renkontiĝo en difinita loko. La ĉi-jara estas ĝia 7-a jarkunveno.

La komuna kono atingita dum la forumo refoje pruvas, ke nur pere de kunlaboro de ĉiuj landoj oni povas konstrui belan Azion kaj realigi komunan gajnon de la mondo en mediprotektado kaj traktado de klimataj ŝanĝiĝoj.