La 16-an de aprilo Qi Ji, ĉina vicministro pri loĝdomo kaj urba kaj vilaĝa konstruado, diris en Pekino, ke pli kaj pli boniĝas la loĝmedio en ĉinaj urboj kaj urbetoj, multe altiĝas la urba sinteza garantia kapablo.

Tion li diris en gazetara konferenco de la "Kvara Monda Urba Forumo". Li diris, ke kun senprecedenca disvolviĝo de ekonomio, la urbanizado de Ĉinio rapide progresas. Ĉe la fino de la jaro 2007 en Ĉinio estis 655 urboj, 20 mil urbetoj, ambaŭ kun proksimume 600 milionoj da loĝantoj.

La forumo organizata de la Ministerio de Loĝdomo kaj Urba kaj Vilaĝa Konstruado de Ĉinio kaj la Programo pri Loĝado de UN okazos novembre en la urbo Nankino de Ĉinio.