De la 1-a de majo Pekino komencos efektivigi novan difinon pri malpermeso de fumado kaj pluapaŝe vastigos en publikaj lokoj terenon kun malpermeso de fumado, por realigi la celon de "Sentabakaj Olimpikoj".

En la gazetara konferenco okazinta en la 24-a de aprilo, higiena oficisto de Pekino konigis, ke la pliigita tereno inkluzivas stadionojn, korpoekzercejojn kaj relikvo-protektejojn malfermitajn al la publiko. Laŭ la nova difino, restoracioj, ret-vizitejoj kaj parkoj devas instali en si fumejojn.

La oficisto diris ankaŭ, ke Pekino de longe klopodis por malpermesi fumadon, kaj ĉi-foja nova difino akcelas pluapaŝan progreson de tiu laboro, profitante de la ŝanco de la Olimpikoj.