La 28-an de aprilo organiza komitato de la Tria Ĉina (Ningxia) Internacia Foiro de Islamaj Manĝaĵoj kaj Vivnecesaĵoj kaj Investa kaj Komerca Foiro de Ningxia okazigis gazetaran konferencon en Pekino. Li Rui, vicprezidanto de la Ningxia-a Huj-nacia Aŭtonoma Regiono, proklamis en la konferenco, ke la foiro okazos en Yinchuan, ĉefurbo de Ningxia, en la 10-13-a de septembro.

La foiro kun la temo "malfermo, amikeco, kunlaboro kaj reciproka profitigo" prezentos per ekspozicioj kaj intertraktadoj la Ningxia-ajn unikan regionan kulturon, atingojn de reformado kaj pordomalfermo, bonan investan medion kaj grandan disvolvan latentan forton, por ke en- kaj eksterlandaj komercistoj ĉiuflanke konu Ningxia kaj investu en ĝi.

De 2006 Ningxia en okcidenta Ĉinio jam okazigis du foirojn kaj altiris registarajn delegaciojn, internaciajn ekonomiajn organizojn kaj investantojn de pli ol 40 landoj kaj regionoj.