La 4-an de majo okazis en Madrido, ĉefurbo de Hispanio, la 11-a Konferenco de Financaj Ministroj de la Asocio de Sudorient-Aziaj Landoj (ASAL), Ĉinio, Japanio kaj Korea Respubliko. En la konferenco oni diskutis ĉefe pri la makroskopa ekonomia situacio de orienta Azio kaj pri fortigo de la financa kunlaboro en orienta Azio. Post la konferenco, publikiĝis komuna deklaro, kiu diris, ke la ĉeestantaj ministroj konsentis asigni almenaŭ 80 miliardojn da usonaj dolaroj al la preparata komuna valutrezerva fonduso por helpi al la ĉeestantaj landoj rezisti kontraŭ la eventuala financa krizo. 80% de la kapitalo estos el Ĉinio, Japanio kaj Korea Respubliko, kaj 20% el ASAL.

En la deklaro, la 13 financaj ministroj diris, ke la konferenco atingis komunan komprenon pri la kondiĉoj por prunti la kapitalon kaj la stariga sistemo. Samtempe, ĉiuj flankoj promesis plirapidigi la laboron por atingi kiel eble plej baldaŭ komunan komprenon pri ĉiuj elementoj.