En la 6-a de majo ĉina prezidanto Hu Jintao atingis Tokion kaj komencis sian 5-tagan ŝtatan viziton al Japanio.

Dum la vizito Hu Jintao intervidiĝos kun japana tennoo kaj interparolos kun japana ĉefministro Yasuo Fukuda. Li ankaŭ kontaktiĝos vaste kun personoj el diversaj rondoj de Japanio, renkontiĝos kun japanaj malnovaj amikoj kaj iliaj familianoj, prelegos en la universitato Waseda kaj vizitos kelkajn kulturejojn.

Tio estas la unua vizito de ĉina ŝtatestro al Japanio en la lastaj 10 jaroj kaj la dua vizito de ĉina ŝtatestro post la fondiĝo de la Ĉina Popola Respubliko. La vizito sufiĉe montris la altan atenton de Ĉinio al la disvolvo de la rilatoj inter Ĉinio kaj Japanio.