La 7-an de majo, Qiangba Puncog, prezidanto de la Tibeta Aŭtonoma Regiono de Ĉinio, diris, ke Tibeto kiel eble plej baldaŭ forigos la malbonan influon kaŭzitan de la evento de la 14-a de marto, kaj en junio ĝi rekomencos akcepti fremdlandajn turistojn.

Li diris, ke antaŭ la evento, la ekonomio de Tibeto sin trovis en konstanta kaj rapida disvolviĝo, sed en marto la ekonomia kresko iom malrapidis. Tamen laŭ la ĝenerala stato, en la unua trimestro de la kuranta jaro, la tibeta ekonomio fundamente tenis stabilan kaj relative rapidan kreskadon, kaj la ekonomia funkciado ĝenerale estis bona kaj sana. Tibeto alprenos fortajn rimedojn por teni la bonan situacion de impeta evoluado.