La 8-an de majo sur la montpinto Qomolangma je la altitudo de 8 844.43 metroj sukcesis la torĉa stafetado de la Pekinaj Olimpikoj. Tio estas la unua fojo en la olimpika historio.

Je la 3-a horo de tiu ĉi tago la 12-membra sturma teamo de la ĉina montgrimpa ekspedicio komencis la ascendon de la tendaro kun altitudo de 8 300 metroj al la montpinto Qomolangma. Je 10 minutoj post la 9-a horo membro de la teamo Norbu Zhamdu ekbruligis la torĉon per la fajro el la flam-lampo. Post la stafetado inter Gyigyi (virino), Wang Yongfeng, Nyima Cering kaj Huang Chungui la torĉo estis transdonita al Cering Wangmo (virino) ĉirkaŭ 18 minutoj post la 9-a horo, tiel la torĉo ascendis la montpinton. Standardo de la Internacia Olimpika Komitato, la nacia flago de Ĉinio kaj la flago de la Pekinaj Olimpikoj flirtas sur la montpinto Qomolangma.

Post la sukcesa ascendo de la flamo al la montpinto Qomolangma, ĉina ŝtata vicprezidanto Xi Jinping sendis mesaĝon al la ĉina montgrimpa ekspedicio por gratuli la alpistojn. Li diris, ke brulado de la olimpika torĉo sur la montpinto Qomolangma signas la plenan sukceson de la torĉa stafetado sur la montpinto Qomolangma; tio estas la heroa faro en la olimpika historio kaj valora donaco de la ĉina popolo al la olimpika movado kaj la homaro.