La nombro de rektaj suferantoj en lokoj serioze plagitaj de la tertremo en Wenchuan de la provinco Sichuan superis 10 milionojn.

Laŭ statistiko, ĝis la 14-a horo de la 14-a de majo la nombro de mortintoj atingis 14866.

Vespere de la 14-a de majo en trajno al la plagita loko Guangyuan, ĉina ĉefministro Wen Jiabao okazigis kunvenon de la kontraŭkatastrofa kaj prisava komandejo sub la Ŝtata Konsilantaro de Ĉinio. Li emfazis, ke savado de la postvivantoj ankoraŭ estas la plej grava aktuala laboro, kaj la registaro decidis sendi pliajn 90 helikopterojn al la plagitaj lokoj.

Matene de la 15-a de majo, Wen Jiabao kaj liaj sekvantoj atingis la urbon Guangyuan kaj faris esploron en la gubernio Qingchuan, serioze suferintan la katastrofon.

Ĝis la 8-a horo de la 15-a de majo 130 mil armeanoj kaj armitaj policanoj partoprenis en la savado. Cetere kuracaj teamoj, fajrobrigadoj kaj inĝenieriaĵaj kontraŭdanĝeraj teamoj partoprenis en la savado. Savtrupo jam eniris en ĉiujn serioze plagitajn urbojn kaj guberniojn de Sichuan.

Matene de la 15-a, pli ol 60 mil vunditoj estas savitaj.

Post la tertremo en Wenchuan, la ĉina centra financo sume asignis 1.11 miliardojn da juanoj al la plagitaj lokoj. Ĝis la 16-a horo de la 14-a, diversaj sociaj rondoj donacis monon kaj materialojn valorantajn 877 milionojn da juanoj.