La 19-an de majo Ban Ki-moon, ĝenerala sekretario de UN, venis al la sidejo de la ĉina delegacio en UN por montri funebron pro la viktimoj de la tertremo en Sichuan-provinco. Sub la nigra rubando, Ban Ki-moon montris sian respekton al la viktimoj per silenta staro kaj riverenco.

Ban Ki-moon skribis en la angla lingvo sur la kondolencan libron: "La perdo de Ĉinio estas pli granda ol tiu imagita de multaj landoj en la mondo. La internacia socio estas kune kun la granda popolo de Ĉinio vizaĝe al la grandega krizo. La forteco, persisteco kaj kuraĝeco montrita de Ĉinio en la krizo profunde impresas la mondon, kaj la tuta sistemo de UN subtenos Ĉinion en la tempo de la defio. Li skribis ankaŭ en la ĉina lingvo "Funebran saluton al mortintaj ĉinoj".

En la unua funebra tago, la delegitoj aŭ ambasadoroj de ĉ. 20 landoj en UN venis al la sidejo de la ĉina delegacio en UN por montri funebron pro la viktimoj de la tertremo. La funebrado daŭros 3 tagojn de la 19-a de majo ĝis la 21-a.