Laŭ informo el gazetara konferenco okazigita de la Informa Oficejo sub la Ŝtata Konsilantaro de Ĉinio, ĝis la 14-a horo de la 20-a de majo diversnivelaj registaroj de Ĉinio asignis sume 11.727 miliardojn da juanoj al kontraŭkatastrofa batalo.

Ĝis la 12-a horo de la 20-a de majo, pro la 8-grada tertremo en la gubernio Wenchuan de Sichuan-provinco en sudokcidenta Ĉinio, mortis 34074 homoj kaj vundiĝis pli ol 240 mil homoj. Ĝis la 24-a horo de la 19-a de majo, pli ol 360 mil homoj estis savitaj kaj translokitaj.

Laŭ raporto de la Ministerio de Civilaj Aferoj de Ĉinio, ĝis la 13-a horo de la 20-a de majo Ĉinio ricevis monon kaj materialojn, donacitajn de diversaj soci-rondoj, valorantajn je pli ol 13.9 miliardoj da juanoj, interalie mondonaco superis 12.5 miliardojn da juanoj.