La 24-an de majo ĉina ĉefministro Wen Jiabao, kiu gvidas la savadon en la gubernio Wenchuan, Sichuan-provinco, intervidiĝis en la urbeto Yingxiu kun Ban Ki-moon, ĝenerala sekretario de UN, kiu speciale venis vidi la popolon en plagita loko de Ĉinio.

Wen Jiabao konigis al Ban Ki-moon la katastrofon kaj laboron de la savado. Wen diris, ke post la tertremo la internacia socio esprimis simpation kaj donis monon, materialojn kaj sendis savantojn al Ĉinio, ankaŭ UN donis urĝan helpon al Ĉinio. Tio plene montris amikecon kaj humanismon de diverslandaj popolanoj al la ĉina popolo kaj multe kontribuas al la kontraŭkatastrofa laboro de Ĉinio, kaj la ĉinaj registaro kaj popolo elkore dankas ilin.

Ban Ki-moon diris: "Mi tre malĝojas pri grava perdo de la vivo kaj propraĵoj pro la tertremo en la plagitaj regionoj. Reprezentante UN kaj min mem, mi esprimas profundan simpation al la ĉinaj registaro kaj popolo. Mi venas ĉi tien por montri, ke la internacia socio, inkluzive de UN, estas kune kun la ĉina popolo. UN volas daŭre doni subtenon kaj helpon al la plagitaj lokoj por la rekonstruado."

Ili akceptis ĉeloke en- kaj eksterlandajn raportistojn.