Vespere de la 24-a de majo rusa prezidento Dmitry Medvedev finis dutagan ŝtataferan viziton al Ĉinio kaj forflugis de Pekino al sia patrolando.

En la 23-a Medvedev atingis Pekinon kaj komencis sian viziton al Ĉinio laŭ la invito de ĉina prezidanto Hu Jintao. Dum la vizito, Hu Jintao faris interparolon kun Medvedev. La dulandaj ŝtatestroj alte taksis la starigon kaj disvolvon de la strategiaj partneraj rilatoj inter Ĉinio kaj Rusio kaj unuanime konsentis daŭre klopodi por akceli disvolvon de la rilatoj. Nome de la rusa registaro Medvedev invitis iujn lernantojn de mezaj kaj elementaj lernejoj en plagitaj lokoj de la tertremo al Rusio por ripozkuracado.

Post la interparolo Hu Jintao kaj Medvedev subskribis "Komunan Deklaron de la Ĉina Popola Respubliko kaj la Rusa Federacio pri Gravaj Internaciaj Problemoj" kaj ĉeesti ceremonion por subskribi kunlaborajn dokumentojn pri energio, aviado, forstumo, turismo k.a.