La 26-an de majo vizitgrupo de Kuomintango, gvidata de ĝia prezidanto Wu Poh-hsiung, komencis sian 6-tagan viziton al la ĉeftero de Ĉinio.

Antaŭ forlaso de Taibei Wu diris: "Ni bone scias gravecon de nia respondeco. Ni plenforte klopodos por bone ludi nian rolon, esperante, ke la vizito helpos al paca disvolviĝo de la dubordaj rilatoj, al sekureco de Taiwan kaj beateco de la popolo kaj ankaŭ al antaŭenpuŝo de la politiko de la taiwan-a aŭtoritato pri la ĉeftero."

Posttagmeze la vizitgrupo atingis la flughavenon de Nankino, kie la membroj de la vizitgrupo staris unu minuton en silento por funebri pro la viktimoj de la tertremo en Sichuan.