De la 30-a de majo ĝis la 2-a de junio Nong Duc Manh, ĝenerala sekretario de la Centra Komitato de la Vjetnama Komunista Partio, faris oficialan viziton al Ĉinio. La komuna deklaro publikigita de la du landoj elmontras, ke ambaŭ flankoj daŭre konservos bonan tradicion de intima kontakto inter la du landoj kaj la du partioj (la Komunista Partio de Ĉinio kaj tiu de Vjetnamio), kaj deklaras ekfunkciigi varm-linean telefonon de la gvidantoj. La deklaro elmontras ankaŭ, ke la du flankoj garantios plenumadon de la esplorado de la landlimo surtere kaj konstruado de landlimaj fostoj en la kuranta jaro kaj subskribos kiel eble plej baldaŭ la dokumentojn pri administrado de la landlimo.

Vjetnamio esprimis sian simpation kaj sinceran konsolon pri la tertremo okazinta en Sichuan-provinco, kiu kaŭzis grandan perdon de posedaĵoj kaj morton de lokanoj.