La 11-an de junio Wang Guoqing, vicministro de la Informa
Oficejo de la Ŝtata Konsilantaro de Ĉinio, diris en Chengdu, ĉefurbo
de la provinco Sichuan, ke alilandaj raportistoj estas bonvenaj
al plagitaj regionoj de la tertremo okazinta en Wenchuan, ne nur
en la periodo de kontraŭtertrema savado, sed ankaŭ en tiu de aranĝo
de la plagitaj popolamasoj kaj en tiu de renormaligo de produktado.
Wang diris ankaŭ, ke post la tertremo la internacia
socio akurate informis la lokan staton kaj klopodon de la ĉinaj
registaro kaj popolo por la savado. Iuj fremdlandaj raportistoj
eĉ riskis sian vivon por fari raporton pri plagitaj regionoj. Pri
tio Ĉinio esprimas elkoran dankon.
|