La 14-an de junio okazis en Tokio, ĉefurbo de Japanio, la 2-a konferenco de Ministroj de Eksteraj Aferoj de Ĉinio, Japanio kaj Korea Respubliko. La konferencon ĉeestis ĉina eksterafera ministro Yang Jiechi, japana eksterafera ministro Masahiko Komura kaj korea eksterafera ministro Yu Myung-hwan. La ministroj de la tri landoj pozitive taksas la progreson de kunlaboro inter la tri landoj, kaj interŝanĝis opiniojn pri la disvolva oriento de estonta kunlaboro, la kunlaboro en konkretaj kampoj kaj aliaj kune zorgataj internaciaj kaj regionaj problemoj.

La tri ministroj opinias, ke kunlaboro de la tri landoj estas tre grava por paco, stabileco kaj prospero de Azio kaj oni devas kapti la bonŝancon, firme teni la ĝeneralan direkton de amikeco kaj kunlaboro, aktive realigi la rezultojn de reciproka vizito de la ŝtataj gvidantoj, plifortigi interŝanĝon kaj kunlaboron en politiko, diplomatio, ekonomio, socio, kulturo kaj interŝanĝo de talentuloj, kaj komenci kunlaboron en regado de katastrofoj kaj kunlaboro en la batalo kontraŭ katastrofoj.

La tri ministroj konsentis ankaŭ daŭrigi la oftan komunikadon de gvidantoj kaj eksteraferaj ministroj de la tri landoj kaj decidis okazigi konferencon de ŝtataj gvidantoj de la tri landoj en Japanio, septembre, 2008.