Antaŭtagmeze de la 19-a de junio okazis en Pekino la 5-a Parlamenta Partnera Konferenco de Azio kaj Eŭropo kun la temo "Pliintensigi kunlaboron de Azio kaj Eŭropo kaj akceli kunan disvolviĝon". Wu Bangguo, prezidanto de la Konstanta Komitato de la Tutlanda Popola Kongreso de Ĉinio, ĉeestis la inaŭguron kaj faris prelegon pri la temo. La konferenco daŭros 3 tagojn.

Pri disvolviĝo de la Parlamenta Partnera Konferenco de Azio kaj Eŭropo Wu Bangguo proponis, ke oni devas sufiĉe konsideri gravajn zorgojn de ĉiuj membrolandoj, sincere kaj pacience interŝanĝi opiniojn kaj konvene solvi diverĝojn surbaze de egala diskuto, serĉo de komunaj punktoj kaj tolero al diferencoj kaj laŭeble atingi komunan konon. Dum sia prelego, Wu Bangguo ankaŭ konigis situacion de la savado post la tertremo okazinta en Wenchuan-gubernio.

La Parlamenta Partnera Konferenco de Azio kaj Eŭropo komencita en 1996 celas fortigi interkomprenon de la popoloj aziaj kaj eŭropaj kaj disvolvi rolon de la parlamentoj en progreso de la Azi-Eŭropa Konferenco per komunikado inter parlamentoj de la membrolandoj. En la pasintaj 12 jaroj, la nombro de membrolandoj multiĝis de 26 al 43, kaj okazis jam 4 tiaj konferencoj, kiuj publikigis plurajn komunajn dokumentojn por klarigi la komunan starpunkton en gravaj internaciaj kaj regionaj problemoj. La konferencoj akcelas dialogon, interkomunikadon kaj kunlaboron de parlamentoj de la membrolandoj kaj ludas aktivan rolon por akceli progreson de la Azi-Eŭropa Konferenco.