La 21-a de junio estas “vintra solstico” de la suda hemisfero kaj vintromeza tago, grava tradicia festo en Antarkto. Tiutage, en la nomo de la ĉinaj registaro kaj popolo, kaj ankaŭ de li mem, ĉina prezidanto Hu Jintao sendis gratulan mesaĝon al la ĉinaj kaj alilandaj esploristoj, sciencistoj kaj inĝenieroj, kiuj diligente laboras en Antarkto.

En la mesaĝo Hu diris, ke Antarkto estas kvieta kaj sankta kontinento sur nia terglobo. Sciencaj malkovroj pruvis, ke Antarkto havas striktan rilaton kun la homa socio pri la tergloba klimato, ekologia medio kaj homa estonteco. Por malkovri la misterojn de tiu neĝkovrita regiono, diverslandaj sciencistoj per malcedema spirito, spite la furiozan neĝŝtormon, faris sciencajn esplorojn, kaj akiris fruktojn unuj post aliaj. Tio bone montris la firman volon de la homaro en konado de la nesciata mondo kaj skribas novan paĝon de la mondpaco kaj disvolviĝo de la homaro.

Li diris ankaŭ, ke la esplorado de Ĉinio en Antarkto jam iris 20 jarojn. Dank' al la intima kunlaboro de la ĉinaj sciencistoj kun alilandaj kolegoj, ili akiris valorajn sukcesojn, kiuj riĉigis la homan konon pri Antarkto. La ĉina popolo deziras abundajn rikoltojn al diverslandaj sciencistoj en ilia esplorado kaj ĝojas pro iliaj brilaj kontriboj por paca utiligo de Antarkto.