Antaŭtagmeze de la 23-a de junio inaŭguriĝis en Pekino la 14-a konferenco de la Ĉina Akademio de Sciencoj kaj la 9-a konferenco de la Ĉina Akademio de Inĝenierioj. Hu Jintao, ĝenerala sekretario de la Centra Komitato de la Komunista Partio de Ĉinio, ŝtata prezidanto de Ĉinio kaj prezidanto de la Centra Milita Komitato, ĉeestis la inaŭguron kaj faris gravan paroladon.

La akademioj estas superaj konsultiĝaj institucioj de Ĉinio rilate al sciencoj, teknikoj kaj inĝenierioj. Ilian konferencon okazantan ĉiun duan jaron ĉeestas pli ol mil membroj de la du akademioj. Dum la ĉi-jara konferenco okazos pluraj akademiaj interŝanĝoj kaj fakaj kunsidoj pri scienc-teknika subteno al savado kontraŭ tertremo.

Laŭ informo la Ĉina Akademio de Sciencoj havas 699 akademianojn, el kiuj 52 kun fremda ŝtataneco, kaj la Ĉina Akademio de Inĝenierioj havas 719 akademianojn, el kiuj 33 kun fremda ŝtataneco.