La 25-an de junio ĉina prezidanto Hu Jintao inspektis trafikajn instalaĵojn konstruitajn por la Pekinaj Olimpikoj kaj interparolis kun iliaj konstruantoj.

Dum la inspekto Hu Jintao diris, ke restas nur pli ol unu monato antaŭ la Pekinaj Olimpikoj, tial koncernaj departementoj devas garantii la oficialan funkciigon de tiuj trafikaj instalaĵoj. Li emfazis, ke oni devas ne nur konstrui unuaklasajn instalaĵojn, sed ankaŭ efektivigi unuaklasajn administradon kaj servadon, garantii sekurecon kaj glatecon de la fervoja transportado kaj kontribui al la sukcesigo de la Pekinaj Olimpikoj kaj oportuna veturado de popolanoj.