En la 26-a de junio la Konstanta Komitato de la Tutlanda Popola Kongreso de Ĉinio, ĉina ŝtata potenca institucio, sankciis la Traktaton pri Longtempaj Bonnajbaraj Amikecaj Kunlaboroj inter Membrolandoj de la Ŝanhaja Kunlabora Organizo. La traktato kun "paca kunekzisto kaj eterna amikeco" kiel principo estas la unua plurflanka politika dokumento en la Eŭropa-Azia regiono.

Aŭguste de la pasinta jaro la traktaton kune subskribis ŝtatestroj de la membrolandoj de la Ŝanhaja Kunlabora Organizo, Ĉinio, Kazaĥstano, Kirgizio, Rusio, Taĝikstano kaj Uzbekstano.