Laŭ invito de ĉina eksterafera ministro Yang Jiechi, la usona delegacio gvidata de usona ŝtata sekretariino Condoleezza Rice venis antaŭtagmeze de la 29-a de junio al Chengdu, ĉefurbo de Sichuan-provinco en sudokcidenta Ĉinio kaj komencis sian 2-tagan viziton en Ĉinio.

Je la 11-a horo kaj 28-a minuto Condoleezza Rice kaj ŝia delegacio atingis provizoran loĝejon kun pli ol 8 mil suferantoj de la tertremo en la urbo Dujiangyan. Tie, Condoleezza Rice demandis pri situacio de la tertremo, aranĝo de la registaro post la tertremo kaj memfido de la suferantoj pri rekonstruado. Poste, ŝi spektis programerojn prezentitajn de geknaboj.

Condoleezza Rice diris, ke ŝin surprizis rapideco de rekonstruado de la tertreme plagita regiono kaj ŝin kortuŝis la persisteco kaj optimismo de la suferantoj. Samtempe, Condoleezza Rice alte taksis agadon de la ĉinaj registaro kaj popolo kontraŭ la tertremo.