La 4-an de julio funkcias la unua flugigo de ĉartitaj
aviadiloj semajnfine inter la ĉina ĉeftero kaj Taiwan, kaj la unua
turisma grupo de loĝantoj sur la ĉina ĉeftero ekvojaĝis al Taiwan.18
ĉartitaj aviadiloj de 11 aerkompanioj flugas inter la du bordoj
de la Taiwan-a markolo.
La unua turisma grupo de loĝantoj sur la ĉina ĉeftero
al Taiwan konsistas el la "unua turisma grupo" kaj la
"unua enketa grupo pri turismo" kun 760 homoj. Ili vojaĝas
al Taiwan per la unua flugigo de ĉartitaj aviadiloj semajnfine.
Shao Qiwei, prezidanto de la Interŝanĝa Asocio pri Turismo Ambaŭflanke
de la Taiwan-a Markolo, estas estro de la unua turisma grupo de
la ĉeftero al Taiwan.
En la 13-a de junio la Asocio por Rilatoj Ambaŭflanke
de la Taiwan-a Markolo (ARATM) kaj la Fonduso por Interŝanĝo de
la Taiwan-a Markolo (FITM) denove faris dialogon kaj subskribis
"Resumon de intertraktado pri flugigo de ĉartitaj aviadiloj
semajnfine ambaŭflanke de la Taiwan-a markolo" kaj "Interkonsenton
pri turismado de loĝantoj sur la ĉina ĉeftero al Taiwan". Laŭ
la interkonsento, nun loĝantoj de 13 provincoj kaj municipoj de
la ĉeftero povas vojaĝi al Taiwan.
La unua flugigo de ĉartitaj aviadiloj kaj turismado
de loĝantoj sur la ĉeftero al Taiwan estas la unua paŝo por realigi
la du subskribaĵojn de ARATM kaj FITM kaj ankaŭ majloŝtono de interŝanĝo
ambaŭflanke de la Taiwan-a Markolo.
|