La 14-an de julio inaŭguriĝis en Pekino internacia
simpozio pri posttertrema rekonstruado, kune okazigita de la Komerca
Ministerio de Ĉinio kaj la agentejo de UN en Ĉinio.
Qiu Hong, asistanto de la ĉina komerca ministro, diris
en la simpozio, ke la ĉina registaro kaj la ĉina popolo sin ĵetis
kun granda devoscio al la rekonstruado en lokoj trafitaj de la tertremo
kaj bonvenigas la internacian socion pro iliaj subteno kaj helpo
al la rekonstruado.
Khalid Malik, akordiganto de UN en Ĉinio, diris, ke
la ĉina registaro montris grandajn respondecemon kaj kapablecon
en la kontraŭtertrema savado kaj gajnis grandegan progreson en la
rekonstruado de la katastrofitaj lokoj; krome, la internacia socio,
neregistaraj organizoj kaj multaj individuoj liveris helpon al savado
de la ĉina popolo; ĉi-foja simpozio, en kiu oni interŝanĝas spertojn
pri rekonstruado post katastrofo, estas grava por planado de la
posttertrema rekonstruado en Ĉinio.
|