La 4-an de aǔgusto ĉirkaǔ 1500 fakuloj kaj erudiciuloj de traduka kampo el pli ol 70 landoj kaj regionoj ĉeestis la inaǔguron de la 18-a Monda Kongreso de Internacia Tradukista Federacio (ITF) en Ŝanhajo. La kongreso kun la temo "Tradukado kaj Kultura Diverseco" estas kune aranĝita de ITF kaj la Tradukista Asocio de Ĉinio. Tio estas solena kongreso unuafoje okazigita de ITF ne nur en Ĉinio sed ankaǔ en Azio.

Wang Chen, prezidanto de la organiza komitato de la kongreso kaj ministro de la Informa Oficejo de la Ŝtata Konsilantaro de Ĉinio, diris en la malferma ceremonio, ke la kongresa temo plene montras atenton kaj esperon de la internacia traduka kampo pri konservado de kultura diverseco kaj antaǔenpuŝo de la homa civilizacio. Dank' al la kunveno Ĉinio povas esprimi sian deziron disvolvi tradukan aferon, akceli interŝanĝon de diversaj kulturoj, manifesti la idealon kaj aspiron de Ĉinio pri paca disvolvado kaj konstruado de harmonia mondo.

En la 4-taga kongreso okazos 4 ĉefaj forumoj kaj 88 filiaj forumoj, en kiuj oni diskutos pri tradukado kaj kulturo, tradukado kaj edukado kaj tradukado kaj ekonomio.