Vespere de la 4-a de aǔgusto malfermiĝis en Pekino la 120-a Plena Sesio de la Internacia Olimpika Komitato (IOK). Ĉina prezidanto Hu Jintao parolis en la malfermo, ke la ĉinaj registaro kaj popolo plenumos sian promeson, kaj kun plej granda entuziasmo kaj klopodo faros la Olimpikojn karakterizaj kaj altnivelaj, kaj per tio kontribuas por antaŭenpuŝi la internaciajn Olimpikajn ludojn kaj konstruon de harmonia mondo kun daǔra paco kaj kuna prospero.

Jacques Rogge, prezidanto de IOK, diris, ke estas signifoplene, ke la Olimpikoj venis al Ĉinio, kiu posedas kvinonon de la loĝantaro de la mondo. La Olimpikoj restigos al Ĉinio valoran heredaĵon. Li dankas la ĉinan popolon pro ilia diligenta laboro por la Pekinaj Olimpikoj.

La plena sesio estas jara kunveno interne de IOK. Ĉi-foje ĝi okazas en Pekino de la 5-a ĝis la 7-a de aŭgusto.