La 13-an de aŭgusto usona financa ministro Henry Paulson speciale venis al la Olimpika Vilaĝo de Pekino por doni al ĝi oran premion de medi-protektado -- "pioniran oran premion pro elstara projektado energia kaj media" en la nomo de la Verda Konstruaĵa Asocio de Usono.

Henry Paulson diris, ke nun pli ol 10 mil sportistoj ĉeestas konkursojn en la Pekinaj Olimpikoj, kaj la Olimpika Vilaĝo de Pekino liveras al ili bonajn vivkondiĉojn. La Pekinaj Olimpikoj estas la plej "verdaj" Olimpikoj pro utiligo de multaj fuelo-ŝparaj teknologioj.

Chen Zhili, vicprezidanto de la Organiza Komitato de la Pekinaj Olimpikoj kaj estro de la Olimpika Vilaĝo, diris, ke la Pekinaj Olimpikoj sufiĉe manifestas la ideojn "verdaj Olimpikoj, altteknologiaj Olimpikoj kaj humanismaj Olimpikoj", la premio-donado konfirmis fruktojn de la kunlaborado inter Ĉinio kaj Usono en la kampo de teknologioj pri senpoluaj fueloj uzataj dum la Olimpikoj.