La 22-an de januaro la Ĉina Interreta Informa Centro (China.org.cn) sub la Ĉina Internacia Eldona Grupo kaj Searchina, retejo de Japanio, kune okazigis gazetaran konferencon en Pekino, ke ili fariĝos strategiaj kunlaboraj partneroj por raporti la Pekinajn Olimpikojn. Antaŭ la konferenco la du flankoj subskribis kontrakton pri funkciigo de olimpika retejo en japana lingvo.

La kunlaboro utilos ne nur al Searchina por akiri pli da novaĵoj de China.org.cn, sed ankaŭ al disvastigo de influo de la Pekinaj Olimpikoj en Japanio kaj oftigo de interŝanĝo kaj kunlaboro de amaskomunikiloj de la du landoj. Krom olimpikaj raportoj, la du flankoj etendigos kunlaborojn en aliajn kampojn por respektiva profito.