Tagmeze de la 24-a de aŭgusto ĉina prezidanto Hu Jintao
donis bankedon honore al internaciaj gastoj, kiuj venis al Ĉinio
por ĉeesti la ferman ceremonion de la Pekinaj Olimpikoj.
Hu Jintao faris salutparolon: "La Pekinaj Olimpikoj
disvolvis la Olimpikan spiriton de paco, amikeco kaj solidareco,
kaj fariĝis grandioza festivalo de la internacia sporta konkurso
kaj kultura interŝanĝo de la tutmondaj popoloj. La gastigo de la
Pekinaj Olimpikoj pli forte akcelos progreson de la ĉina fizikkultura
afero, pli vaste antaŭenpuŝos interŝanĝon kaj kunlaboron inter Ĉinio
kaj la intrnacia Olimpika familio, kaj profundigos interkomprenon
kaj amikecon inter la ĉina popolo kaj diverslandaj popoloj."
Hu
Jintao diris, ke okaze de la Pekinaj Olimpikoj, amikoj el la kvin
kontinentoj de la mondo renkontiĝis en Pekino, kune perceptis ĉarmon
de la Olimpikaj sportoj, diverslandaj sportistoj elmontris altan
atletisman nivelon kaj bonan sportan spiriton laŭ la devizo pri
pli grandaj alteco, rapideco kaj forteco. La ĉina popolo plena de
granda entuziasmo gastigas ĉiujn amikojn, kaj ĝuas feliĉon kaj ĝojon
kune kun ili.
Li akcentis: "Sukceso de la Pekinaj Olimpikoj atribuiĝas
al la kuna penado fare de la ĉina popolo kaj diverslandaj popoloj
de la mondo, kaj la honoro apartenas al la internacia Olimpika familio,
al la brave konkursantaj sportistoj, al la volontuloj el diversaj
mondpartoj kaj al la amikoj el la kvin kontinentoj, kiuj diversmaniere
partoprenas en la Pekinaj Olimpikoj."
Hu
Jintao daŭre diris, ke kelkajn tagojn poste inaŭguriĝos la Pekinaj
Handikapulaj Olimpikoj, Ĉinio faros ĉion eblan por gastigi altnivelajn
kaj karakterizajn handikapulajn Olimpikojn, kaj daŭre kontribuos
por impulsi la internacian Olimpikan sporton.
Fine, li diris: "Mi kredas, ke dank' al kuna penado
fare de la mondaj popoloj, la Olimpika spirito estos pluapaŝe disvolvita,
kaj la perspektivo de la homaro ankoraŭ pli bela. Ĝis revido en
Londono post kvar jaroj!"
|