Antaŭtagmeze de la 28-a de aŭgusto okazis en la Ĉiela Altaro de Pekino fajro-bruliga ceremonio por torĉa stafetado de la Pekinaj Handikapulaj Olimpikoj. Ĉina ĉefministro Wen Jiabao bruligis fajrokaldronon kaj deklaris starton de la torĉa stafetado de la Pekinaj Handikapulaj Olimpikoj. La ceremonion ĉeestis ĉina ŝtata vicprezidanto Xi Jinping, prezidanto de la Organiza Komitato de la Pekinaj Olimpikoj Liu Qi kaj prezidanto de la Internacia Handikapula Olimpika Komitato Philip Craven.

Liu Qi diris en la ceremonio, ke la brulanta fajro de la Pekinaj Handikapulaj Olimpikoj bruligos la emocion kaj transdonos la esperon de la homaro pri harmonio, amikeco kaj helpemo kaj antaŭenpuŝos la handikapulajn aferojn de la mondo.

Prezidanto de la Internacia Handikapula Olimpika Komitato Philip Craven esprimis, ke bruligo de la sankta fajro signifas inaŭguriĝon de la Pekinaj Handikapulaj Olimpikoj. La sportistoj montros sian apartan sportan spiriton en la Handikapulaj Olimpikoj kaj per tio eliminos diversajn malfacilojn.

La torĉa stafetado komenciĝos de la 29-a de aŭgusto kaj daŭros 9 tagojn inter 11 urboj de Ĉinio. En la 6-a de septembro la sankta fajro bruligos la ĉeftorĉon de la Pekinaj Handikapulaj Olimpikoj en "Birdnesto" -- la Nacia Stadiono de Ĉinio.