La 2-an de septembro,110 tagojn post la tertremo okazinta en Wenchuan kaj antaǔ starto de la tiea grandskala rekonstruado, ĉina ĉefministro Wen Jiabao faranta inspektadon en tertreme trafitaj lokoj havis intervjuon en la urbeto Yingxiu, epicentro de la tertremo.

Wen Jiabao diris, ke la rekonstruado estas ekstreme malfacila kaj peniga, tamen la registaro difinis unu principon kaj unu celon, t. e. preni la interesojn de la homoj kiel la bazon de nia politikofarado, respekti la naturon, fari ĉiuflankan aranĝadon kaj science rekonstrui. Ni strebas en tri jaroj reakiri kaj eĉ superi la antaǔajn vivkondiĉojn, restarigi infrastrukturon, publikajn instalaĵojn kaj produkto-kapablon.