La 15-an de septembro Khalid Malik, kunordiganto de UN en Ĉinio, diris en Pekino, ke la Pekinaj Handikapulaj Olimpikoj (PHO) donis al Pekino valoran heredaĵon, vekis pli da kompreno kaj respekto de la socio al la handikapuloj kaj profundigis konscion de popolanoj pri helpo al ili.

Samtage okazis aktivado kun temo "partopreno, sporto kaj disvolvo -- celebri okazigon de PHO kaj antaŭenpuŝi rajton de handikapuloj" organizita de la Institucio de UN en Ĉinio kaj la Ĉina Federacio de Handikapuloj (ĈFH). La aktivado celas kuraĝigi kaj honori handikapulojn farintajn grandan kontribuon kaj personojn akcelintajn disvolvon de la handikapulaj aferoj.

Khalid Malik alte taksis la grandan progreson de Ĉinio en vivgarantio de handikapuloj en la pasintaj 30 jaroj post kiam Ĉinio ekpraktikis la reformadon kaj pordomalfermon. Li montris ankaŭ, ke la handikapulaj aferoj de Ĉinio ankoraŭ alfrontas multajn novajn defiojn. Li diris: "Ne ekzistas iu rimedo kiu povas tuj solvi ĉiujn problemojn. La ĉina registaro jam multe klopodis en la pasintaj kelkdekoj da jaroj. Ĉinio povos fari pli bone."