La 22-an de septembro telefone interparolis ĉina prezidanto Hu Jintao kaj usona prezidento George W. Bush. Ili interŝanĝis opiniojn pri la interrilatoj de Ĉinio kaj Usono kaj pri usonaj ekonomia kaj financa situacioj.

Bush konigis al Hu Jintao la nunan staton de ekonomio kaj financo de Usono kaj diris, ke la usona registaro jam konsciis seriozecon de la problemo, prenis kaj daŭre prenos rimedojn por stabiligi usonan kaj internacian financajn merkatojn.

Hu Jintao diris, ke Ĉinio jam rimarkis, ke la usona registaro jam prenis gravajn rimedojn por stabiligi la financan merkaton de Usono kaj esperas, ke la rimedoj rapide efikos por plibonigi la ekonomian kaj financan situaciojn de Usono. Tio konformas al interesoj ne nur la usonaj, sed ankaŭ la ĉinaj, utilas al stabileco de la internacia financa merkato kaj al stabila kaj sana disvolviĝo de la monda ekonomio.

Hu Jintao diris ankaŭ, ke en la lastaj jaroj la interrilatoj de Ĉinio kaj Usono tenas bonan tendecon de aktiva disvolviĝo. La kontaktiĝo de altranguloj de la du landoj intimiĝas, interŝanĝo kaj kunlaboro en diversaj kampoj senĉese plifortiĝas, kaj la strategia ekonomia dialogo inter Ĉinio kaj Usono kaj la dialoga sistemo senĉese profundiĝas kaj jam akiris aktivajn atingojn. Ĉinio volas penadi kune kun Usono por plifortigi dialogon, interŝanĝon kaj kunlaboron, konvene trakti reciprokajn interesojn kaj problemojn alte atentatajn de la du landoj kaj precipe la Taiwan-an problemon, kaj antaŭenpuŝi la konstruivajn kunlaborajn rilatojn inter la du landoj.