La 22-an de septembro Yang Jiechi, ĉina ministro de eksteraj aferoj, kiu ĉeestis la 63-an sesion de la Ĝenerala Asembleo de UN, faris paroladon en la altranga kunveno pri afrika disvolvado en Nov-Jorko.

Yang diris, ke de la lastaj jaroj senĉese pliboniĝas la sekureca situacio en Afriko, integriĝo kaj regiona kunlaboro stabile progresas kaj ekonomio rapide kreskas, la tendenco estas kuraĝiga, tamen Afriko ankoraǔ frontas grandajn defiojn sur la disvolva vojo.

Ĉinio daǔre akcelos komunikiĝon kun afrikaj landoj kaj intensigos kunlaborojn por plie plenumi atingojn de la Ĉina-Afrika Kunlabora Forumo okazinta en Pekino. En la venontaj kvin jaroj Ĉinio liveros pliajn helpon kaj subtenon al afrikaj landoj en la kampoj de agrikulturo, edukado, sanigo kaj senpoluaj fueloj.

La kunvenon ĉeestis pli ol 40 ŝtataj estroj kaj registaraj gvidantoj, kaj reprezentantoj el internaciaj organizoj.